शिकवते मीरा भक्ती
सरस्वती दाखवते दिशा शिक्षणाची
लक्ष्मी सांगते महत्व पैशाचे वेळोवेळी
विठ्ठल काळा तरी...
विठ्ठल नाम निखळ पाणी ..
वाहत जावं त्यातच...
आणि सोप्पं करावं जगणं कृष्ण कृष्ण करत
वेळ निभावून नेतं स्मरण विष्णूचं
शंकर मात्र हवा हवासा अकांड तांडव
ब्रम्ह सृष्टीचा जन्मदाता
ब्रम्हचारी हनुमान आद्य देव शक्तिचा
सगळेच कसे वेळोवेळी...
साथ निभावणारे
सगळेच देव लाडके...
एक राम तो एक मर्यादा पुरूषोत्तम
समजणं त्याला मात्र सोप्पं नाही
जितकं जवळ कराल ...
तितका तो समोर येइल...
आठवण करून देइल वेळोवेळी मर्यादेची
धावाधाव करा कितीही जिवाची
मी आणि माझं म्हणत साठवत रहा काहीबाही
जाताना मात्र सोडायचंय येथेच सगळं काही
शेवटच्या टप्यावर फक्त राम नामच...
दुसरं नाही काही.
.... Bhavna. 21st January 2024.
No comments:
Post a Comment