काहीतरी पर्यावरणासाठी ...आपल्यासाठी.

गरब्याची प्लास्टीक चकाकी पाहिली की हरवायला होतं ....
त्यात आपला साधेपणा हरवल्यागत वाटतं ...
नव्वद टक्के साड्या ..पर्कर-पोलके सिंथेटीक
नेट व चकाकणार्या प्लास्टीकने पूर्ण होतात.
शर्ट झब्बेही सिंथेटीक ..सिल्क लूक देतात ..
बट डू दीज क्लोथ ब्रीद? पाहूनच घुसमट होते ..
जे फारतरफार  पाचसात वेळाच वापरण्याच्या लायकीच्या असतात.
पण इतरांमधे शोभून दिसणं ..याला कित्ती महत्व द्यावं लागतं .... किंबहूना आपणही त्यातलेच...

जोपरियंत लहान तोपरियंत मुली असे चकाकणारे कपडे घालतात....त्यांच्या चकाकणार्या आयांना पाहून त्याही चकाकतात....
एकदा टोचणारा बोचणारा कपडा ओळखायला लागला की त्याही तशा कपड्यांना नकार देतात...पण हल्ली अॉल इज फाइन म्हणत डिझाइनर लूक म्हणत हजारो  रूपये सिंथेटीक वर उडवले जातात ...
कॉटन व सिल्क चा प्रश्नच नाही पुनर्वापर शेवटी अगदी  गोधडीही होत असे ..
कुठे हरवतोय आपण
 ह्या कपड्यांवरच्या प्लासटीकचं पुढे काय होतं माहीत आहे का??
आपण हजारो ...लाखो रूपयांचे कपडे रूपात जमा करत  वर्षोवर्षे वॉर्डरोब मधे जपून ठेवतअसलेला कचराच तो..
कचर्याचं पुढे काय करतो आपण?

नेट व सिंथेटीक वगैरे कपडे धुताना मटेरियल विरते ... पाण्याद्वारे नाल्यात.. नद्यात समुद्रात विलीन होते.
चकाकणार्या टिकल्या मणी ..कुंदन ... पाण्याद्वारे नाल्यात.. नद्यात समुद्रात विलीन होते.
पण ते विरघळत नसल्यामुळे माश्यांच्या ..पक्षांच्या नाकातोंडात अडकते.
त्यांची धुसमट होते.... आणि मासे खाताना नकळत काही प्रमाणात आपल्या आहारातही आढळते.
मीठही खार्या पाण्याद्वारे उपलब्ध होते.

आता दिवाळीला जपून खरेदी करूयात.
आपण कपड्यांच्या रूपात किती किलो प्लास्टीक विकत घेतोय ह्याचं  भान ठेऊन खरेदी करूयात.
चकाकणं कमी केलं पाहिजे....पर्यावरणासाठी !!
 .....Bhavna October 2018.